Një ngjarje e rëndë ka ndodhur në shtetin fqinj, Itali, ku një shtetas shqiptar ka gjetur vdekjen tragjikisht teksa po punonte për ndërtimin e një rrjeti kanalizimesh. Mediat italiane thonë se viktima është Bardhi Brahimaj, 40-vjeçari shqiptar me banim në Lurate Caccivio.
Mësohet se ka pasur një aksident gjatë punës në kantierin e ngritur në rrugë për rrjetin e kanalizimeve dhe shqiptari ka qenë brenda gropës që ishte hapur gërmuar. Një peshë e madhe materialesh ka rënë mbi të duke i shkaktuar vdekjen.
Kur ekipet e shpëtimit mbërritën në vendin e ngjarjes, nuk kishte më asgjë për të bërë. Sipas medieve italiane, Brahimaj jetonte i vetëm në Lurate Caccivio, dhe nuk kishte të afërm në Itali, vetëm një vëlla me banim në Zvicër, i cili u lajmërua nga policia për ngjarjen e rëndë.